انفجار بيروت يحدث أضرار في منزل خبيرة التاتو نتالي حداد
![](https://dubai-business.net/wp-content/uploads/2020/08/59371a402b43cf9f1ecce5b684884624.jpg)
تعرض منزل خبيرة التاتو نتالي حداد إلى أضرار، بعد وقوع أنفجار بالعاصمة اللبنانية ،بيروت ،اذ تحطم زجاج غرفة نوم ابنتها “شام”.
وكان الزجاج قد تكسر وحدثت بعض الخسائر في المنزل كما ظهر في الفيديو الذي شاركته نتالي حداد عبر حسابها على موقع التّواصل الإجتماعيّ “أنستغرام”.وعلقت عليه قائلة : “بس صار الإنفجار كنت بعيادتي أنا والصبايا اللي معي عم نشتغل وولادي كانوا بالبيت (وبيتي قريب من محل الانفجار) حاولت اتصل عالبيت وطبعاً كانت مقطوعة الإتصالات، من بعد محاولات كتيرة ردّت مدبّرة بيتي وعرفت إنن بحالة رعب لا توصف، والبيت مكسّر وإنن نزلوا حافيين عالشارع،ما بعرف كيف الله عطاني القوة لسوق وأوصل لعندن بس اللي بعرفو إني عملت ٣ نوبات رعب (panic attacks) بكل وحدة منن كنت عم حسّ روحي عم تطلع.مبارح كلنا عشنا أوقات كتير صعبة، نقزة ورعبة وخوف وقلق،بنتي كانت بغرفتا قبل الإنفجار بدقيقة والله لطف فيا وفاتت عالحمام وصار اللي صار. لبنان كلّو اتضرر مبارح، صحياً ومادياً ونفسياً. شكراً لكل اللي اطمنوا علينا نحنا بخير،بحبكن كلكن❤️الله يرحم الشهدا اللي ماتوا و يحمي لبنان ويلطف فينا ويحمي ولادنا جميعاً🙏🏻🙏🏻”
نذكرُ أنَّ “نتالي حداد” عادت مؤخّراً إلى لبنان بعد انتهاء عطلتها الصيفية التي قضتها في الساحل الشمالي في مصر.
كما أحتفل عدد من أصدقائها يوم أمس بعودتها إلى لبنان قبل وقوع الانفجار.
بعد ذلك، شاركت خبيرة التاتو “نتالي حداد” متابعيها فيديو للإنفجار الذي هز العاصمة بيروت وعلقت عليه قائلة : “يا رب دخلك تحمي لبنان” ليتفاعل معها المتابعين من كافة أنحاء العالم.